Njësia policore gjatë patrullimit rutinor në fshatin Gojbulë të Vushtrrisë, ka vërejtur një zjarr në një hamullore.

Me këtë rast, zyrtarët policorë gjatë veprimeve hetimore kanë arritur të identifikojnë pronarin i cili në këtë rast ka vetshkaktuar ndezjen e hamullores në arën e tij, njofton policia.

Në vendin e ngjarjes kanë dal njësia e  hetimeve dhe  zjarrfikësit të cilët kanë arritur ta lokalizojnë zjarrin.

“Pas lokalizimit të zjarrit dhe evitimit të rrezikut të përgjithshëm, nga policia është kontaktuar prokurori i cili ka urdhëruar që të intervistohet i dyshuari Z. D., 67-vjeçar shtetas Kosovar dhe ndaj tij të iniciohet rasti ‘Shkaktim i rrezikut të përgjithshëm’”, ka njoftuar Policia e Kosovës.

Përndryshe policia në rajonin e Mitrovicës të martën si dhe ditëve të kaluara, kanë ndërmarrë një fushatë të gjerë me qellim të parandalimit të dukurisë së zjarrvenies e cila në këto dite  mund të jetë shumë e rrezikshme për shkak të temperaturave të larta.