Skuadra e Arsenalit është gati të sakrifikojë Gabriel Jesus verën e ardhshme. Sipas raportimeve të mediave britanike, “The Gunners” janë në pritje të ofertave për sulmuesin brazilian.

Ndonëse ka kontratë deri në 2027-ën me klubin londinez, 27-vjeçari nuk është në planet e trajnerit Mikel Arteta, për këtë arsye Arsenali dëshiron ta shesë këtë verë në mënyrë që të përfitojë sa më shumë nga largimi i brazilianit. Kartoni i Gabriel Jesus momentalisht vlerësohet 70 milionë euro dhe “The Gunners” nuk kanë ndër mend që ta lënë sulmuesin të largohet për një shifër më të ulët.