Deputetja e Lidhjes Demokratike të Kosovës (lLDK), Hykmete Bajrami, ka deklaruar se partia në të cilën bënë pjesë ndonëse nuk pranoi të ketë marrëveshje politike me Lëvizjen Vetëvendosje, ky subjekt sipas saj sërish ofroi një zgjidhje.

Në emisionin Info Magazine të Klan Kosovës,e njëjta tha se LDK-ja propozoi formimin e një qeverie gjithëpërfshirëse, pasi se do të ketë sërish zgjedhje në marsin e vitit 2026.

“Ne kemi refuzuar një bashkëpunim dhe i kemi treguar disa herë arsyet, përkundër kësaj duke e parë krizën politike e cila është ne kemi shkuar një hap tutje”.

“Pra, kemi propozuar një qeveri gjithëpërfshirëse deri tek afatet e zgjedhjes së presidentit sepse ne shohim në çfarëdo variant në marsin e vetit e tjetër ne prapë do të kemi zgjedhe për shkak se nuk shihet do të ketë një marrëveshje politike që do të sigurojë tani konstituimin e Kuvendit apo formimin e Qeverisë që duhen vetëm 61 vota, dhe tani t’i ketë 80 vota kur të vie marsi i vitit 2026”, ka thënë Bajrami.