Është mbyllur me barazim ndeshja në Solingen, FC Kosova Düsseldorf merr një pikë të vlefshme.

DV Solingen – FC Kosova Düsseldorf 2️⃣ : 2️⃣

Ndeshja e zhvilluar sot mes dy skuadrave që renditen në vendin e dytë dhe të gjashtë në tabelë u karakterizua nga rivalitet i fortë dhe intensitet i lartë nga minuta e parë e deri në fund.

Të dyja ekipet hynë në fushë me objektiv të qartë, duke shfaqur dy filozofi të ndryshme loje përballë njëra-tjetrës. Sfida ishte e luftuar në çdo repart, me duele të shumta në mesfushë dhe raste të krijuara nga të dy krahët, ndërsa asnjëra skuadër nuk pranoi të tërhiqej.

Loja e fortë dhe ritmi i lartë e mbajtën tensionin konstant gjatë gjithë takimit. Djemtë tanë dominuan ndeshjen përmes krijimit të rasteve të shumta për gol, megjithatë mungesat u ndjenë, pasi ekipi ishte i privuar nga “pesëshi i artë” për shkak të lëndimeve dhe kartonit të kuq. Gjithashtu, dy lojtarë që ishin shpallur më të mirët e ndeshjes dhe të javës së kaluar munguan në këtë përballje.

Atmosfera në stadium ishte një tjetër element i veçantë. Rrethinat e stadiumit ishin të mbushura, ndërsa mbështetja e zjarrtë nga tifozët e të dyja skuadrave i dha ndeshjes ngjyrë dhe emocion.

Respekt për trajnerët, të cilët ditën të nxjerrin më të mirën nga ekipet e tyre. Kampioni vjeshtor e mbyll këtë fazë me potencial të madh për të ardhmen.

Respekt i veçantë për presidentin Bujar Neziri dhe kryesinë e klubit, të cilët po tregojnë rezultate, përkushtim, disiplinë dhe dashuri të madhe për klubin FC Kosova Düsseldorf.