Humbja në shtëpi kundër Juventusit në Ligën e Kampionëve konfirmoi krizën e Barcelonës në këtë sezon.

Nisja zhgënjyese në La Liga dhe disfata e fundit në grupin e Ligës së Kampionëve ka detyruar skuadrën katalunjase dhe trajnerin Ronald Koeman të përballen me një “stuhi” kritikash. Momentalisht holandezi e ka të sigurt bankinën.

Zërat për një shkarkim të mundshëm të tij janë hedhur poshtë nga klubi. Me anë të një deklarate për mediet, presidenti i përkohshëm Tusquets ka bërë të ditur se: “Koeman do të vazhdojë punën me Barcelonën”.