Veprimtari Bardhyl Mahmuti ka dalë me një reagim publik pas përmendjes se emrit nga Sadri Ramabaja në Debat Plus në TV Dukagjin si kandidat i mundshëm për kryetar të PDK-së, pas dorëhejes së Memli Krasniqit.

Bardhyl Mahmuti në reagimin e tij ka theksuar se shpreson që drejtuesit legjitim të PDK-së të kthehen sa më parë në Kosovë, duke pohuar se angazhimi i tij krahas aktiviteteve që lidhen me qëllimet e Qendrës “Gjenocidi në Kosovë-Plagë e hapur”, për të sensibilizuar opinionin rreth krimit të gjenocidit që ka kryer Serbia ndaj shqiptarëve në Kosovë, dhe veprave shkencore e letrare që ka publikuar për të ndriçuar këtë krim, preokupimi i tij është fati i çlirimtarëve që padrejtësisht mbahen prapa grilave në Hagë!

“Krahas aktiviteteve që lidhen me qëllimet e Qendrës “Gjenocidi në Kosovë-Plagë e hapur”, për të sensibilizuar opinionin rreth krimit të gjenocidit që ka kryer Serbia ndaj shqiptarëve në Kosovë, dhe veprave shkencore e letrare që kam publikuar për të ndriçuar këtë krim, preokupimi im është fati i njerëzve që padrejtësisht mbahen prapa grilave në Hagë! Nuk ka nevojë të rikujtoj se në Hagë mbahen përfaqësues legjitim të institucioneve shtetërore dhe partiake të Kosovës. Rrjedhimisht edhe të PDK-së. Pa u lëshuar në arsyet e dorëheqjes së z. Memli Krasniqi, unë respektoj të drejtën e çdonjërit të tërhiqet apo të konkurrojë për drejtimin e partisë. Mirëpo, në rrethana që na ka imponuar procesi gjyqësor në atë që është bërë e zakonshme të quhet Gjykatë Speciale, çdo njëri që do të marrë drejtimin e të PDK-së, duhet ta ketë prioritet kryesor mobilizimi për ngadhënjimin e drejtësisë dhe lirimin e drejtuesve saj legjitimë”, ka shkruar Bardhyl Mahmuti.

Postimi i plotë i tij në “Facebook”:

Të dashur miq,
Pas dorëheqjes së z. Memli Krasniqi nga drejtimi i PDK-së, një numër gazetarësh më kanë kërkuar të jap përgjigje lidhur me përmendjen e emrit tim në Debat Plus në TV Dukagjin, nga Sadri Ramabaja.
Për shkaqe objektive nuk kam mundur të jem pjesë e emisioneve që më është kërkuar, por po e bëj publik qëndrimin tim që ja kam dërguar gazetares Njomza Pllana, të TV Dukagjinit.
Të gjithë të interesuarit mund ta publikojnë qëndrimin tim.
Me respekt
Bardhyli
***
Shpresoj që drejtuesit legjitim të PDK-së të kthehen sa më parë në Kosovë!

Krahas aktiviteteve që lidhen me qëllimet e Qendrës “Gjenocidi në Kosovë-Plagë e hapur”, për të sensibilizuar opinionin rreth krimit të gjenocidit që ka kryer Serbia ndaj shqiptarëve në Kosovë, dhe veprave shkencore e letrare që kam publikuar për të ndriçuar këtë krim, preokupimi im është fati i njerëzve që padrejtësisht mbahen prapa grilave në Hagë!
Nuk ka nevojë të rikujtoj se në Hagë mbahen përfaqësues legjitim të institucioneve shtetërore dhe partiake të Kosovës. Rrjedhimisht edhe të PDK-së.
Pa u lëshuar në arsyet e dorëheqjes së z. Memli Krasniqi, unë respektoj të drejtën e çdonjërit të tërhiqet apo të konkurrojë për drejtimin e partisë. Mirëpo, në rrethana që na ka imponuar procesi gjyqësor në atë që është bërë e zakonshme të quhet Gjykatë Speciale, çdo njëri që do të marrë drejtimin e të PDK-së, duhet ta ketë prioritet kryesor mobilizimi për ngadhënjimin e drejtësisë dhe lirimin e drejtuesve saj legjitimë.
Përzgjedhja e dëshmitarëve të mbrojtjes së z. Hashim Thaçi ka dëshmuar një shkallë të lartë të profesionalizmit, duke shpartalluar tërësisht të gjitha shtyllat e sajuara ku mbështetej Zyra e Prokurorit të Specializuar të Kosovës. Mbetem me shpresë që trupi gjykues do të peshojë në mënyrë të paanshme kredibilitetin e dëshmive që solli mbrojta dhe të hedhë poshtë dëshmitë e dëshmitarëve të akuzës, të bazuara në sajesat e Shërbimit Sekret të Serbisë.
Jam i bindur në pafajësinë e Hashim Thaçit, Kadri Veselit, Rexhep Selimit dhe Jakup Krasniqit! Uroj që të kthehen sa më shpejtë në Kosovë dhe të japin kontributin e tyre për uljen e tensioneve brenda shqiptare!
Mirupafshim në protestën e 16 nëntorit 2025 në Strasburg!

Me respekt
Bardhyl Mahmuti