Bideni: Bota përballet me dekadë vendimtare

21 shtator 17:53

Në fjalimin e tij të parë në Kombet e Bashkuara, presidenti amerikan, Joe Biden është zotuar për bashkëpunim me aleatët gjatë, siç ka thënë “një dekade vendimtare për botën tonë”.

Garancitë e tij vijnë në kohën e tensioneve për tërheqjen e Shteteve të Bashkuara nga Afganistani dhe të një grindjeje të madhe diplomatike rreth një marrëveshjeje të re të sigurisë midis SHBA-së, Britanisë dhe Australisë.

“Unë besoj se ne duhet të punojmë së bashku si kurrë më parë”, ka thënë Biden para Asamblesë së Përgjithshme të OKB-së.

Asambleja e 76-të po zhvillon punimet në Nju Jork, në sfondin e krizës klimatike dhe të pandemisë së koronavirusit.

Të dyja çështjet i kanë thelluar ndarjet midis aleatëve, por Bideni ka bërë thirrje për bashkëpunim, duke thënë se “suksesi ynë është i lidhur edhe me suksesin e të tjerëve”.

Duke folur për tensionet e vazhdueshme midis ShBA-së dhe Kinës, Bideni ka thënë se vendi i tij “nuk po përpiqet për një Luftë të re të Ftohtë ose një botë të ndarë”.

Por, ai është zotuar se ShBA-ja do ta mbrojë “me forcë” veten dhe aleatët e saj.

Bideni gjithashtu e ka mbrojtur vendimin për tërheqjen e trupave të huaja nga Afganistani, duke thënë se “fuqia ushtarake duhet të jetë zgjidhja jonë e fundit”.

Lajme të sponsorizuara

Të fundit
Ish-deputeti i Kuvendit të Kosovës dhe njëri nga luftëtarët e…