Përfaqësues i lartë i Bashkimit Evropian (BE) për punët e jashtme dhe politikat e sigurisë, Josep Borrell, ka reaguar pas situatës së krijuar në veri të Kosovës, pasi policia ka zhvilluar një aksion kundër kontrabandës.

Borrelli ka thënë se incidentet e dhunshme në veri duhet të ndalen menjëherë, teksa ka konsideruar se veprimet e njëanshme dhe të pakoordinuara janë të papranueshme.

Më tutje, Borrelli ka thënë se të gjitha çështjet e hapura në mes të Kosovës dhe Serbisë duhet të adresohen përmes dialogut të ndërmjetësuar nga BE-ja.

“Incidentet e dhunshme në veri të Kosovës duhet të ndalen menjëherë. Aksionet e njëanshme dhe të pakoordinuara që rrezikojnë stabilitetin janë të papranueshme. Të gjitha çështjet e hapura duhet të adresohen përmes Dialogut të lehtësuar nga BE. Ne jemi në kontakt me Beogradin dhe Prishtinën”, ka shkruar Borrelli në llogarinë e vet në “Twitter”.

The violent incidents in the north of Kosovo need to stop immediately.
Unilateral and uncoordinated actions that endanger stability are unacceptable.

All open issues must be addressed through the EU-facilitated Dialogue. We are in contact with Belgrade and Pristina.

— Josep Borrell Fontelles (@JosepBorrellF) October 13, 2021