Covid-19, Lutfi Haziri: Spitali i Gjilanit është i ngarkuar me pacientë

21 nëntor 21:59

Kryetari i Komunës së Gjilanit, Lutfi Haziri u ka shprehur ngushëllime familjarëve të katër bashkëqytetarëve që kanë humbur betejën me Covid-19.

Haziri ka bërë me dije se Spitali i Përgjithshëm i Gjilanit është i ngarkuar me pacientë, derisa tri ekipet e QKMF-së, brenda 24 orëve të fundit, i kanë realizuar 72 vizita shëndetësore në shtëpitë e të prekurve.

“Apeloj që t’i respektoni masat kundër përhapjes së virusit që është bartja e maskave, mbajtja e distancës dhe pastrimi i duarve. Gjendja e përgjithshme e përballjes me Covid-19 është si vijon: numri i testimeve është 6236, ku prej tyre kanë rezultuar pozitivë 2350 persona, 1701 të shëruar, 580 raste aktive, 68 të vdekur dhe 76 pacientë në hospitalizim”, ka shkruar Haziri në “Facebook”.

Lajme të sponsorizuara

Të fundit
Ministri i Shëndetësisë, Armend Zemaj ka thënë se nuk po…