Mirlind Daku ka thyer rekordin e golave brenda një sezoni në histori të futbollit të Kosovës.

Sulmuesi gjilanas i Ballkanit ka shënuar 28 gola deri më tani, teksa ka edhe dy xhiro për të përfunduar ky edicion garash. Sulmuesi i Ballkanit ka thënë se është ndjenjë e papërshkruar që të thyejë këtë rekord të madh. Ai ka falënderuar presidentin e Ballkanit, Arsim Kabashi, si dhe trajnerët Ismet Munishi e Bledi Shkëmbi, por edhe bashkëlojtarët e tij.

“Ndjenjë e papërshkruar që ta thyej rekordin si golashënuesi më i mirë brenda një sezoni në historinë e futbollit kosovar. Dua ta falënderoj klubin tim Ballkanin, trajnerët Ismet Munishi dhe Bledi Shkëmbi, presidentin Arsim Kabashi si dhe gjithë bashkëlojtarët e mi që pa ta këta gola nuk do të ishin. Qëllimi ishte titulli i kampionit, por rrethanat ishin asisoj që nuk ia dolëm. Faleminderit Suharekë! Faleminderit të gjithëve!”, ka thënë Daku.