Polonia përfaqësohet në Festivalin e Këngës në Eurovision të këtij viti nga Justyna Steczkowska me këngën Gaja. Justyna arriti të shkonte në finalen e konkursit dhe performanca e saj në gjysmëfinale mblodhi 1.8 milionë klikime. Shumë fansa të Konkursit të Këngës në Eurovision u habitën kur morën vesh se sa vjeçe është artistja polake. Justyna ka lindur në vitin 1972, që do të thotë se do të mbushë 53 vjeçe pas disa muajsh.

“Ajo grua nga Polonia është 52 vjeçe”, “Ende nuk mund ta besoj që Justyna Steczkowska është 52 vjeçe”, “Ju lutem? Një grua polake është 52 vjeçe?”, “52-vjeçarja më seksi e të gjitha kohërave”, janë disa nga komentet. Kjo nuk është hera e parë që ajo garon në Eurovision. Justyna përfaqësoi Poloninë në vitin 1995 me këngën Sama dhe përfundoi në vendin e 18-të. Steczkowska theu rekordin duke garuar përsëri në Eurovision. Ajo theu rekordin 24-vjeçar të vendosur nga Anna Vissi midis paraqitjeve të saj për Qipron në vitin 1982 dhe Greqinë në vitin 2006.