Doli na shtypi vepra (vëllimi poetik) “Pema me shumë degë” e poetit Vesel Maloku.

Kjo vepër poetike zë fill me poezinë e parë “ Në Boçarë” e botuar në revistën “Jeta e Re” numër 5, viti 1971.

Pra, plot para një gjysmë shekulli.

Vepra ka pesë cikle. Cikli “E arta gjeneratë” që u kushtohet heronjve kombëtarë që nga Skënderbeu e deri të Adem Jashari, që sipas redaktorit dhe recensentit dhe poetit Behram Hoti është vepër e veçantë, vizionare, përkushtuese, motivuese, frymëzuese… ligjërimi i veçantë i tabanit kombëtar.

Këtë vepër e lartëson edhe gjuha gegërishte, stilistike dhe poetike e poetit Vesel Maloku, si rrallë kush që nga rinaildasit e deri me sot.

Në vargonin  e veprave të botuara, qofshin ato letrare-poetike, apo letrare prozaike, kjo vepër është  e veçantë. Fjalën  e tyre rreth kësaj vepre do ta thonë studiuesit e letërsisë shqipe.

Poezitë e kësaj vepre motivojnë rimat karakteristike të togfjalëshit dymbëdhjetë.

Poetika e poetit Vesel Malokut koneton me poezitë e rilindasëve për kah aktualiteti, gjuha, satira, figuracioni i kohës dhe jetës kombëtare shqiptare…

Vesel Maloku ka lindur më 10 maj të vitit 1950 në fshatin Bellopojë të Podujevës. Aktualisht jeton në Danimarkë dhe udhët e tij atdhetare: Podujevë, Prishtinë, Danimarkë (Kopenhagë), Shqipëri (Shëngjin)…