Sonte mbahet gjysmëfinalja e dytë e Eurovisionit, ku 16 shtete do të garojnë për të siguruar 10 vendet e fundit në finalen e madhe, e cila zhvillohet të shtunën, më 17 maj.

Pas një hapjeje spektakolare të martën, festivali rikthehet me natën e dytë garuese, duke sjellë në skenë emocione, energji dhe performanca të nivelit të lartë. Artistë të talentuar nga mbarë Evropa do të ngjiten sonte në skenën e Bazelit, mes dinamikash të forta dhe tensioni konkurrues.

Shqipëria, e përfaqësuar këtë vit nga Shkodra Elektronike me këngën “Zjerm”, është tashmë e kualifikuar për në finalen e madhe, pasi arriti të fitojë votat e publikut në gjysmëfinalen e parë, më 13 maj.

Tashmë, gjithë vëmendja e përfaqësuesve shqiptarë është përqendruar tek nata e finales, ku do të vendoset fituesi i këtij edicioni të Eurovisionit.

Më poshtë gjendet lista e shteteve që do të performojnë në gjysmëfinalen e dytë të mbrëmjes së sotme:

1 Australia: Go-Jo – Milkshake Man

2 Mali i Zi: Nina Žižić – Dobrodošli

3 Irlanda: EMMY – Laika Party

4 Letonia: Tautumeitas – Bur Man Laimi

5 Armenia: PARG – SURVIVOR

6 Austria: JJ – Wasted Love

Mbretëria e Bashkuar: Remember Monday – What The Hell Just Happened? (E kualifikuar automatikisht në finale)

7 Greqia: Klavdia – Asteromáta

8 Lituania: Katarsis – Tavo Akys

9 Malta: Miriana Conte – SERVING

10 Gjeorgjia: Mariam Shengelia – Freedom

France: Louane – maman (E kualifikuar automatikisht në finale)

11 Danimarka: Sissal – Hallucination

12 Çekia: ADONXS – Kiss Kiss Goodbye

13 Luksemburgu: Laura Thorn – La Poupée Monte Le Son

14 Izraeli: Yuval Raphael – New Day Will Rise

Gjermania: Abor & Tynna – Baller (E kualifikuar automatikisht në finale)

15 Serbia: Princ – Mila

16 Finlanda: Erika Vikman – ICH KOMME