(Foto / Videoreportazh, nata VII në Prishtinë) Lëvizje më të pakta

12 korrik 22:57

Që prej 6 korrikut, në Prishtinë, Prizren, Ferizaj dhe Vushtrri është ndaluar lëvizja e qytetarëve nga ora 21:00 deri në orën 5:00 të mëngjesit.

Në këtë interval kohor e kanë të ndaluar të ushtrojnë aktivitetin e tyre edhe bizneset e gastronomisë.

Ky vendim ka ardhur pas shtimit të numrit të viktimave dhe të të infektuarve me Covid-19, raporton “Epoka e re”.

Sonte në natën e shtatë të masave të reja kufizuese anti Covid, në Prishtinë janë parë lëvizje më të pakëta.

Gjithashtu edhe gastronomia me kohë, sipas orarit të paraparë, nga ora 21:00, po respekton masat e reja kufizuese anti Covid.

Qeveria e Kosovës të dielën krahas këtyre masave, ka vendosur masa të reja që duhet secili qytetar t’i zbatojë e respektojë. “Për të ruajtur shëndetin e qytetarëve Qeveria ka vendosur të ndalojë të gjitha ahengjet në ambiente të mbyllura, pjesëmarrjen në varrime, të pamet dhe ndalimin e përkohshëm të ushtrimit të ushtrimit të riteve në objekte fetare”, ka thënë zëvendëskryeministri i parë, Besnik Tahiri.

Po ashtu qeveria ka bërë thirrje që të respektohen pesë rregulla kundër Covid-19: Vendosja e maskës; aplikimi i distancës fizike; pastrimi i duarve; dezinfektimi vazhdimisht i duarve dhe siperfaqeve; shmangia e prekjeve të syve, hundës dhe gojës.

Sipas të dhënave të fundit të Institutit Kombëtar të Shëndetësisë Publike të Kosovës, numri total i rasteve pozitive me Covid-19 është 4 931, me gjithsej 102 raste të vdekjes të cilët kanë pasur sëmundje të tjera shoqëruese. Deri më tani numri i përgjithshëm i të shëruarve është 2 267.

 

 

 

 

 

 

 

(Epoka e re)

Lajme të sponsorizuara

Të fundit
Presidenti Hashim Thaçi do të mbrohet në Hagë nga avokati…