Gërxhali: Sikur të kishte politikan vizionar, taksa do të hiqej para vizitës së Grenellit

24 janar 13:34

Sekretari gjeneral i Chamber Investment Forum – WB6, Safet Gërxhaliu, ka thënë se Kosova po të kishte politikanë të dijes dhe me vizion, atëherë është dashur ta hiqnin taksën para se i dërguari i posaçëm i presidentit Donald Trump për dialogun Kosovë-Serbi, Richard Grenell, të udhëtonte në Beograd.

Ai ka thënë se një veprim i tillë do ta fuqizonte pozitën negociuese të Kosovës në raport me Serbinë.

“Sikur Kosova të kishte politikanë të dijes dhe vizionarë që luftojnë për shtet e jo për pushtet, për hir të kontributit të dhënë nga ShBA-ja dhe shtetet mike evropiane për çlirimin dhe pavarësinë e Republikës së Kosovës, ambasadorin e ShBA-ve në Gjermani e kishim ‘armatosur’ me heqjen e taksës para udhëtimit në Beograd, me qëllim të fuqizimit te pozitës së tij negociuese me krerë politikë në atë vend. Pasi do të duhej të dëshmohet fuqia e tij në takime por edhe të forcohet pozicioni i ShBA-së në rajon, Evropë dhe më gjerë”, ka thënë Gërxhaliu për “Epokën e re”.

Gërxhaliu ka pohuar se tek ne politikanët lutën të jetojë me të kaluarën, duke ngulfatur të ardhmen e Republikës së Kosovës.

/Epoka e re/ A. MAVRAJ

Lajme të sponsorizuara

Të fundit
Publicisti Lulëzim Etemaj, një prej nismëtarëve të Lëvizjes për Pajtimin…