Kryetari i AAK-së, Ramush Haradinaj, ka pritur në takim Tomas Szunyog, ambasador i Bashkimit Evropian në Kosovë.

Haradinaj ka treguar se kanë diskutuar për çështjet aktuale në vend.

“Gjithashtu, shprehëm shqetësimin tonë për agjendën legjislative të Qeverise se Kosovës, e cila në plot raste bie ndesh me Kushtetutën e Republikës së Kosovës dhe me legjislacionin e Bashkimit Evropian”, ka shkruar Haradinaj në “Facebook”.

Ai ka theksuar se integrimi euro-atlantik, është objektivi kryesor strategjik i Kosovës.

“Ky rrugëtim duhet të kulmojë me anëtarësim në BE dhe NATO”, ka deklaruar Haradinaj.