Princi Harry dhe Meghan Markle po përballen me akuza për hipokrizi, pasi kanë ngritur një strukturë të re stafi që ngjason shumë me atë të pallatit mbretëror – pikërisht institucionin që e kanë kritikuar publikisht prej vitesh.

Sipas MailOnline-it, çifti ka riorganizuar ekipin e tyre, duke emëruar Meredith Kendall Maines në krye të një grupi prej 11 personash, me bazë në Montecito dhe në Mbretërinë e Bashkuar. Organizimi, që do të mbështesë fondacionin Archewell dhe sipërmarrjet komerciale të çiftit si marka “As Ever” e Meghan dhe projektet e ardhshme të Harry-t, ka ngritur shumë vetulla.

Eksperti mbretëror Richard Fitzwilliams e cilëson lëvizjen si “ironike”, duke kujtuar se Harry ka kritikuar ashpër strukturat e ngjashme në librin e tij Spare. Ndërkohë, autori Tom Bower e sheh këtë si një përpjekje të fundit “për të mbajtur gjallë markën e tyre” dhe e përshkruan si një “grup burokratësh të kushtueshëm, jo një oborr mbretëror”.

Në sfondin e kësaj riorganizimi që vjen me shumë zhurmë, rikthehen edhe polemikat për largimin e shpeshtë të stafit dhe akuzat për ngacmim që kanë ndjekur çiftin – pretendime të mohuara nga Meghan.

A do të jetë kjo riorganizim një kthesë e suksesshme apo thjesht një tjetër përpjekje për të ruajtur ndikimin në skenën publike? Koha do ta tregojë?