Christopher Hill, diplomat i pensionuar karriere, i pyetur nga mbrojtja e Hashim Thaçit nëse Ushtria Çlirimtare e Kosovës (UÇK) ishte strukturë vertikale me organizim hierarkik, ka thënë se “jo”.

“Jo, nuk e besoja këtë gjë. Unë mendoj se më shumë ishin përpjekje që ekziston një ushtri me hierarkinë vertikale dhe ishte thjesht një përpjekje nga ana e tyre, një orvatje për të na treguar se ne kemi struktura normale politike e ushtarake dhe se ne duhej t’i merrnim seriozisht”, ka thënë ai.