Hoxhaj: Deklaratat e Vulinit mund të shkaktojnë destabilizim të vendit

28 janar 10:10

Zëvendëskryeministri i Kosovës, Enver Hoxhaj, ka reaguar ndaj deklaratave të ministrit serb të mbrojtjes, Aleksandar Vulin, i cili të shtunën tha se ushtria serbe po monitoron situatën në veri të Kosovës.

Po ashtu, Vulin ka deklaruar se ”ushtria serbe do t’i mbajë të sigurt serbët e Kosovës”.

Hoxhaj në një postim në rrjetin social në “Twitter” ka shkruar se deklaratat e tilla janë kërcënim për Kosovën. “Deklaratat si kjo e Vulinit janë kërcënim për sigurinë në Kosovë dhe mund të shkaktojnë destabilizim”, ka shkruar Hoxhaj.

Ai më tej ka thënë se përgjegjës për sigurinë në Kosovë janë institucionet si FSK-ja, KFOR-i dhe EULEX.

“Gjendja në pjesën veriore është e qetë dhe e qëndrueshme. Institucionet përgjegjëse për siguri janë Policia e Kosovës, FSK-ja, KFOR-i dhe EULEX-i”, ka shkruar Hoxhaj.

Lajme të sponsorizuara

Të fundit
Ambasada e Gjermanisë në Kosovë ka njoftuar se prej 1…