Andres Iniesta nuk ka ndërmend të tërhiqet nga futbolli i luajtur. Ish-ylli i Barcelonës i dhuroi vetes për ditëlindjen e 37 rinovimin e kontratës me skuadrën e Vissel Kobes, pjesë e së cilës është nga viti 2018.

Mesfushori ka nisur sezonin e tij të 4-t në Japoni dhe vendosi ta zgjaste qëndrimin duke firmosur deri në fund të vitit 2023. Iniesta gjatë karrierës së tij ka luajtur 442 ndeshje me Barcelonën derisa ka realizuar 32 gola.