Sulmuesi Harry Kane dëshiron të largohet nga Tottenham Hotspur për t’u bashkuar me Bayern Munchen në merkaton e verës.

Sipas “Bild”, në muajin maj, Thomas Tuchel ka zhvilluar një takim me futbollistin 29-vjeçar në Londër.

Gjatë bisedës, Kane e siguroi Tuchel se ishte gati të transferohej në Mynih. Për më tepër, sulmuesi shpjegoi motivimin e tij, ai dëshiron të fitojë Ligën e Kampionëve. Harry tha se kjo ëndërr ishte më e rëndësishme për të sesa paratë. Harry Kane nuk ka fituar ende një trofe të madh me Tottenham. Në vitin 2019, Spurs fituan Kupën Audi, por ishte një turne miqësor.

Kontrata aktuale e Harry Kane në Londër zgjat deri në fund të qershorit 2024.