Policia në Fushë Kosovë  ka arrestuar dy persona të dyshuar, të cilëve u janë  gjetur dhe  sekuestruar  dy armë zjarri dhe  një thikë, si dhe është shoqëruar për në gjykatë një person i cili kishte urdhëresë nga gjykata.

Personat e dyshuar janë ndaluar për verifikim, derisa policia po kryente kontrolle rutinë në rrugën “Aziz Abrashi” në Fushë Kosovë.

Bëhet e ditur se ndaj të dyshuarve: J.G, mashkull 29 vjeç  dhe F.G, mashkull 27 vjeç , me vendim të  prokurorit të  shtetit është shqiptuar masa e ndalimit për 48 orë  dhe është iniciuar rast për mbajtje në pronësi, kontroll ose posedim të pa autorizuar të armëve.

Poashtu, policia njofton se personi i tretë me inicialet, M.K, mashkull, 46 vjeç është shoqëruar për në Gjykatën themelore pasi që i njëjti kishte urdhëresë aktive për veprën e njëjtë, mbajtje në pronësi, kontroll ose posedim të pa autorizuar të armës.