Këshilltari i Hotit, Thaçit: Në vend të kryeministrit po të them, mos u shqetëso

16 shtator 08:08

Presidenti i vendit, Hashim Thaçi, në pasditen e djeshme tha se takimi i së enjtes në Bruksel mes delegacionit të Kosovës dhe atij serb është i rrezikshëm për Kosovën dhe se është agjendë e Serbisë. Por, nga Zyra e Kryeministrit garantojnë se nuk ka vend për shqetësim, njofton Klan Kosova.

Këshilltari politik i Hotit, Xhavit Beqiri, tha se presidenti synoi të tërheqë vëmendje me këtë deklaratë me qëllimin që ta bëjë më të kujdesshëm delegacionin. “Siç e dini, Qeveria e Kosovës i ka hyrë dialogut për njohje reciproke mes dy vendeve me ide dhe platformë të qartë që mbështetet në Kushtetutën e Republikës së Kosovës. Pavarësia, integriteti dhe organizmi i brendshëm kushtetues janë çështje që s’diskutohen. S’ka vend për shqetësim sepse dialogu po organizohet në koordinim të plotë nga Brukseli dhe Uashingtoni, prandaj s’ka asnjë arsye për shqetësim. Kosova është shtet i pavarur dhe sovran dhe po punojmë që Kosova të bëhet edhe de juro anëtare e  BE-së, NATO-s dhe strukturave të tjera euroatlantike. Po flas në emër të kryeministrit Hoti që s’ka vend për shqetësim”, ka thënë Beqiri.

Këshilltari i Hotit tha për presidentin Thaçi se ishte ndër të parët që nga kjo pozitë e ka përkrahur marrëveshjen e 4 shtatorit në Uashington e, po ashtu, se i mirëpresin edhe pikëpamje të tjera që ai mund të ketë. “Interesat duhet të jenë në përputhje me Kushtetutën dhe askush nuk mund të bëjë diçka kundër saj. Ka koordinim të plotë institucional. Edhe presidenti edhe kryetarja e Kuvendit dhe të gjithë qytetarët janë të informuar. Ka qenë vetë Hoti që ka kërkuar një seancë që të raportojë për marrëveshjen që është procesi më i hapur dhe transparent deri më sot”, ka thënë Beqiri.

Ai ka thënë se e enjtja jo domosdoshmërisht sjell njohjen nga Serbia, por se është e sigurt që asnjë marrëveshje që nuk është valide bëhet funksionale në Bruksel.

Ndërkaq, për opozitën e Hotit, Beqiri tha se projektet e mëdha gjithmonë hasin në rezistencë duke përmendur shembujt e ish-presidentit Ibrahim Rugova.

Lajme të sponsorizuara

Të fundit
Nuk ka asnjë mëdyshje se kjo ishte një verë mbijetese…