Presidentja e Kosovës, Vjosa Osmani, në një konferencë për medie pas dorëzimit të komenteve në Gjykatën Kushtetuese, ka theksuar se posti i nënkryetarit të Kuvendit që i takon komunitetit serb, sipas Kushtetutës, mbetet i rezervuar për këtë komunitet dhe nuk mund të zëvendësohet nga askush tjetër.

Ajo  ka deklaruar se ky pozicion mund të plotësohet në një seancë të ardhshme, pa penguar konstituimin e Kuvendit.

Ndërsa, pas konferencës në faqen zyrtare të Presidentes janë ndarë të gjitha komentet që ajo i ka çuar në Gjykatë Kushtetuese.