Khloe Kardashian së fundmi është shfaqur në podkastin “Call Her Daddy” dhe me atë rast ka kujtuar momentin kur ka kapur ish-bashkëshortin e saj Lamar Odom duke e tradhtuar.

Kardashian ishte e martuar me Odomin nga viti 2009 deri në vitin 2016, megjithëse ata u divorcuan në vitin 2013, procedurat e tyre të divorcit zgjatën më shumë. Ndërsa ata ishin së bashku, Lamar luftoi me varësinë dhe ishte i pabesë, dhe Khloe një herë e gjeti atë në një hotel me një grua tjetër.

“Ne ishim të martuar. Ai shkoi në një motel në qendër të Los Anxhelosit ku ishte me një vajzë. E ndoqa dhe kuptova se në cilën dhomë ishte, dhe më pas i pashë në dritare. Ata ishin ose të zhveshur ose vajza ishte me të brendshme. Pastaj trokita në derë dhe për disa arsye ata e hapën. Në atë moment thjesht u çmenda”, kujton Kardashian.

Të nesërmen, Khloe duhej të merrte pjesë në festën e ditëlindjes së motrës së saj më të madhe Kourtney.

“Dyrat e mia ishin të gjakosura dhe të neveritshme, i vendosa fashat rreth tyre. U bëra sikur asgjë nuk kishte ndodhur, nuk u thashë asgjë”, pohon ajo.

Kardashian pretendon se Odom nuk mund ta kuptonte se si e mori vesh se ku ishte ai. Megjithatë, ajo shpjegoi se kishte vendosur pajisje gjurmuese në makina për një kohë dhe pretendon se burrat e kishin çuar në këtë sjellje.

“Mos u bëni sikur nuk më keni vënë në këtë pozicion dhe më bëni të jem psikopat. Unë nuk jam aq posesive tani”, tha ajo.