“Kryeqyteti, edhe këtë vit, me krenari e përkrah Festivalin e Këngës, të organizuar nga Radio Televizioni i Kosovës (RTK) – një ngjarje me vlera të spikatura artistike e kulturore, që krijon hapësirë për shprehjen autentike të krijimtarisë vendore dhe fuqizon identitetin tonë kulturor”, ka njoftuar në “Facebook” kryetari i Prishtinës, Përparim Rama.

Ai ka pritur në takim drejtorin e RTK-së, Rilind Gërvalla, me të cilin ka nënshkruar marrëveshjen për mbështetjen e këtij festivali.

“Ky akt simbolizon përkushtimin tonë ndaj një vizioni të qartë: një kryeqytet që e nxit dialogun artistik dhe e sheh artin si shtyllë thelbësore të zhvillimit shoqëror. Besojmë në një kryeqytet që frymon me art, ku kultura nuk është në margjinë, por në qendër”, ka shkruar Rama.