Qendra Sociale për të Moshuar në Prishtinë është e mbushur me të moshuar, të cilët e kalojnë ditën së bashku, shoqërohen dhe luajnë me njëri-tjetrin.

Sipas një njoftimi të Komunës së Prishtinës, përveç hapësirave për lojë shahu, domino e të ngjashme, në këtë Qendër Sociale për të Moshuar janë edhe këndet e leximit, këndet e lojërave, këndet për punë dorë, këndet e pushimit, si dhe hapësirat për përcjelljen e kanaleve televizive.

“Kjo Qendër është e para e këtij lloji në Prishtinë, me mundësi që të bëhen të tilla të ngjashme edhe në lagje të tjera”, është bërë me dije në njoftimin e Komunës së Prishtinës.