Kosova U18 mbyll kampionatin në vendin e 22-të pas humbjes ndaj Azerbajxhanit
03 gusht 2025
| 16:53
Në ndeshjen e fundit të FIBA Kampionatit Evropian U18 – Divizioni B, Kosova U18 u përball me Azerbajxhanin për vendin e 21-të në renditjen përfundimtare.
Dardanët e rinj luftuan fort dhe ishin në garë deri në fund të ndeshjes, por nuk arritën të përmbysin epërsinë e Azerbajxhanit në minutat vendimtare.
Ndeshja ishte e barabartë në shumë segmente, me momente të mira për Kosovën, por disa gabime në mbrojtje dhe mungesë qetësie në aksionet e fundit bënë që fitorja të shkonte në anën e kundërshtarit.
Me këtë humbje, Kosova e përfundon Kampionatin Evropian U18 në vendin e 22-të, pozita e fundit në këtë edicion të Divizionit B.
Përkundër rezultatit përfundimtar, pjesëmarrja në këtë kampionat ka sjellë përvojë të vlefshme për basketbollistët e rinj, të cilët pritet të
rriten e të kontribuojnë në të ardhmen për ekipet kombëtare.
Pitesti, Rumani
3 Gusht 2025
Rezultati final: Azerbajxhani 81–77 Kosova
