Vesel Krasniqi ka një bashkërrugëtim të gjatë me Fatmir Limajn, duke filluar si bashkëluftëtarë nga radhët e UÇK-së dhe duke vazhduar kështu rrugën e tyre politike qysh nga viti 2000 e deri në ditët e sotme.

Krasniqi njihet ndryshe edhe si krahu i djathtë dhe figura më e besueshme e Limajt. Ai çdoherë është në angazhim të pandalshëm krah liderit të tij, Fatmir Limaj.

Vesel Krasniqi është nga Banja e Malishevës, ka përfunduar studimet e larta dhe është diplomuar në fushën e ekonomisë.

Prej vitit 2000 ka filluar karrierën zyrtare në institucionet e Komunës së Malishevës.

Në 2000-2001 si specialist për turizëm në Drejtorinë e Ekonomisë, Buxhetit dhe Financave.

Gjatë viteve 2003-2005 ka qenë kreu i Inspektoratit në të njëjtën drejtori.
Mëtej 2005-2008 si drejtor i Thesarit.

Ndersa 2009-2017 ka qenë drejtor i Drejtorisë së Ekonomisë, Buxhetit dhe Financave në Komunën e Malishevës.

Kurse në 2017-2019 Krasniwi angazhohet në Qeverinë e Kosovës si Zëvendësministër i Ministrisë së Bujqësisë, Pylltarisë dhe Zhvillimit Rural.

Ndërsa në vitet 2020-2021 ka qenë Ministër i Tregtisë dhe Industrisë në Qeverinë e Republikës së Kosovës.

Aktualisht, është nënkryetar në Komunëm e Malishevës.

Krasniqi angazhimin e tij politik akoma e vazhdon në Nisma Socialdemokrate, ku edhe garon si kandidat për deputet të Parlamentit dhe mban numrin 14.