Distria Krasniqi është eliminuar në gjysmëfinale të Kampionatit Botëror të xhudos që po mbahet në Budapest të Hungarisë.

Krasniqi në gjysmëfinale pati punë me xhudisten spanjolle, Natsumi Tsunoda, duke u mposhtur me IPPON. Tsunoda e dominoi meçin duke u treguar më e mirë se xhudistja kosovare, shkruan GE.

Kështu, Distria Krasniqi mbetet në garë për medaljen e bronztë ku do të ndeshet me xhudisten nga Mongolia, Urantsetseg Munkhbat.

Në dy raundet e para, Distria Krasniqi kaloi pa duel, ndërsa në të tretin mposhti xhudisten Sabina Giliazovan. Në çerekfinale, Krasniqi triumfoi ndaj xhudistes spanjolle Laura Martinez Abelenda.