Kryeministri në detyrë i Republikës së Kosovës, Albin Kurti është takuar të premten me ambasadorin e Malit të zi në Kosovë, Bernard Çobaj.

Ata kanë biseduar për zhvillimet në vend, marrëdhëniet bilaterale dhe bashkëpunimin ndërmjet Kosovës dhe Malit të Zi.

Në njoftimin e zyrës së kryeministrit është bërë me dije se gjatë takimit është theksuar rëndësia e diplomacisë kulturore në thellimin e marrëdhënieve ndërmjet vendeve.

Kurti ka falënderuar ambasadorin Çobaj për përkushtimin dhe angazhimin e tij në forcimin e raporteve dypalëshe dhe për mbështetjen e vazhdueshme të Malit të Zi ndaj Kosovës.