Kryeministri i Kosovës, Albin Kurti, ka nisur vizitën në Shtetet e Bashkuara të Amerikës (ShBA).

Lajmin e ka bërë me dije zyra e kryeministrit.

Gjatë qëndrimit në ShBA, kryeministri do të takohet me zyrtarë shtetërorë, udhëheqës të ndërmarrjeve, përfaqësues të organizatave, si dhe komunitetin shqiptaro-amerikan.

Fillimisht, Kurti do të takohet me përfaqësuesit e Korporatës së Sfidave të Mijëvjeçarit (MCC).

Vizitën e tij në ShBA, Kurti e kishte paralajmëruar qysh për në nëntor të vitit të kaluar.

Me kalimin e kohës, Kurti e kishte shtyrë vizitën e tij, duke thënë se nuk mund të shkojë në Amerikë e të qëndrojë pak ditë, duke iu referuar rëndësisë së saj.

Kurti edhe para pak ditësh ishte në ShBA ku ka marrë pjesë në ceremoninë mortore të ish-sekretares së shtetit, Madeleine Albright.