Kryeministri në detyrë, Albin Kurti, sot ka lavdëruar institucionet e sigurisë dhe të policisë për arrestimet e të dyshuarve për bashkëpunim me shërbimin sekret serb (BIA).

Ndonëse kohe të fundit nuk ka pasur ndonjë lëvizje për këtë çështje, ai ka bërë një përmbledhje të këtyre rasteve.

Në profilin e tij në “Facebook”, Kurti ka shkruar se arrestimi i pesë personave brenda një viti është rezultat i operacioneve të suksesshme të këtyre institucioneve.

Në statusin e Kurtit ka reaguar trajneri i njohur kosovar Ismet Munishi.

Ky i fundit ka ironizuar, duke thënë se tash beson se do të lirohet rryma.

“Ju lumtë Kryeminister , tash besoj lirohet rryma”, ka komentuar Munishi.