“Ky është momenti më i rëndë në krejt historinë e LDK-së”, e thotë Blerim Latifi. Ai ka thënë se kriza është aq e madhe sa që nuk tejkalohet duke ndjekur hapa procedural.

Analisti Blerim Latifi konsideron se Lidhja Demokratike e Kosovës ndodhet “në një krizë të madhe”, pas rezultatit të zgjedhjeve të 28 Dhjetorit.

Sipas tij, “ky është momenti më i rëndë, më i keq dhe më i sikletshëm për LDK-në në krejt historinë e ekzistëncës së saj, qysh nga krijimi i saj në 1989”.

“Madje as pas përfundimit të luftës LDK nuk ka qenë më e dobët sesa është tash”, tha Latifi në Pressing në T7.

“Kjo është një krizë që strukturat drejtuese të LDK-së po mundohen me trajtu në aspektin procedural, por mendoj që kriza nuk mundet me u tejkalu thjeshtë duke ndjekur ato që Abdixhiku i përmendi si hapa procedural…”, shtoi Latifi.