Lekaj: Rrugët janë të kalueshme në mbarë Kosovën

12 janar 2019 | 16:35

Ministri i Infrastrukturës Pal Lekaj, ka bërë me dije se të gjitha rrugët në Kosovë janë të kalueshme.

Përmes një postimi në llogarinë e vet në “Facebook”, Lekaj ka thënë se këtë vikend qytetarët mund të udhëtojnë ku të duan sepse rrugët në mbarë Kosovën janë të kalueshme.

“Natyrën e bukur të Kosovës e ka hijeshuar edhe më shumë bora e ditëve të fundit. Këtë vikend mund të udhëtoni për në cilin rajon të doni, sepse rrugët i keni të pastra në mbarë Kosovën. Që rrugët regjionale, nacionale dhe autostradat të jenë të sigurta për qarkullim edhe gjatë ditëve kur pati reshje të mëdha, u përkujdesën 14 kompani të kontrakturara bashkë me ekipet e Ministrisë së Infrastrukturës dhe Transportit.

Shijojeni borën, vikend të këndshëm!”, ka shkruar Lekaj.

Lajme të sponsorizuara

Të fundit
Një dron i misionit të Organizatës për Siguri dhe Bashkëpunim…