Fundjavën e ardhshme Primera Division do të nisë sërish sezonin e ri. Lufta për kurorën e Spanjës fillon nga e para. Vitin e kaluar, FC Barcelona festoi kampionatin me një epërsi të qartë ndaj rivalëve të tyre më të afërt – dhjetë pikë përpara Realit dhe njëmbëdhjetë pikë përpara Atleticos. Sulmuesi i Barçës, Robert Lewandowski (34 vjeç) luajti një rol të madh në sezonin e tij debutues.

Polaku u transferua nga FC Bayern në Spanjë verën e kaluar dhe e çoi skuadrën e tij të re në titullin e parë që nga viti 2019 me 23 gola në 34 paraqitje.

Por kur bëhet fjalë për ekspertin e futbollit, Gary Lineker (62 vjeç), kohës së Robert Lewandowskit po i vjen fundi ngadalë. “Lewandowskit ngadalë po arrin në fundin e epokës së tij. Ai ishte në vendin e nëntë tek lista e futbollisteve më të mirë për disa vite. Ishte Harry Kane njëri prej tyre në krye dhe sigurisht që tani është edhe Haaland. Nuk duhet të harrojmë as Cristiano Ronaldon, pasi ai u zhvendos më shumë në qendër nga e majta. Kylian Mbappe tenton të luajë në të majtë. Por nëse më pyesni se cilin lojtar do të doja më shumë të kisha në ekipin tim, ai është Mbappe. Ai është paketa e plotë, e jashtëzakonshme!”, ka thënë Linker për “SPORT BILD”.

Për vite me radhë, polaku u konsiderua si qendërsulmuesi më i mirë në botë në shërbim të FC Bayern. Ai theu dhe rekordin e sulmuesit gjerman Gerd Muller (40 gola në një sezon të Bundesligës) me 41 gola dhe fitoi të gjithë titujt në nivel klubesh me Bayernin që mund të fitoheshin. Ai ishte dy herë lojtari më i mirë i vitit nga FIFA (2020, 2021), një herë Lojtari i Vitit në Evropë (2020) dhe dy herë ai ishte në gjendje të fitonte Këpucën e Artë si golashënuesi më i suksesshëm evropian i një sezoni (2021, 2022). Për Barcelonën dhe Lewandowski sezonin e ardhshëm nuk ka të bëjë vetëm me mbrojtjen e titullit të tyre në “La Liga”, por edhe me përparimin sërish në Ligën e Kampionëve. Vitin e kaluar tashmë kishte përfunduar në fazën e grupeve, dhe në Ligën e Evropës ata u eliminuan herët në raundin e dytë.