Avokati Besnik Berisha, i cili ka qenë në ndalim nga e enjtja, tashmë është liruar. Gjykata Themelore në Ferizaj ka refuzuar kërkesën për paraburgim dhe ka nxjerrë aktvendim për një masë alternative.

Në arsyetimin e gjykatës thuhet se masa e paraburgimit siç kishte kërkuar prokuroria nuk është e domosdoshme, prandaj është caktuar masa tjetër, që është cilësuar si e mjaftueshme.

Ndaj Berishës, Gjykata ka marrë vendim për caktimin e masës “Ndalimi për t’iu afruar vendit apo personave të caktuar”, në kohëzgjatje prej një muaji.

Ndërsa ndaj të dyshuarve të tjerë, N.Xh., J.V., F.Z., R.C., dhe A.S., është caktuar masa e paraburgimit në kohëzgjatje prej një muaji. Kurse, ndaj I.S është caktuar masa e arrestit shtëpiak në kohëzgjatje prej një muaji./sinjali/