Reperi i njohur shqiptar, Noizy, është liruar nga policia zvicerane.

Prokuroria e Zyrihut ka konstatuar se ndaj Noizyt ishte bërë një kallëzim i rremë.

Madje gjykata nuk ka pranuar as garancinë 1 milionë dollarë që kishte ofruar mbrojtja e reperit shqiptar, pasi kallëzimi penal ndaj tij ishte i rremë.

Noizy u arrestua të hënën, më 7 korrik 2025, në aeroportin e Zyrihut, ndërsa ndodhej në Zvicër për një performancë të albumit të ri, në klubin “Rinora 4” në Rümlang.

Arrestimi u bë nga Policia kantonale e Zyrihut, e cila sqaroi se ai erdhi si pasojë e një urdhri të lëshuar nga Prokuroria për Krime të Rënda dhe të Dhunshme. Ky urdhër u vu në zbatim për shkak se Noizy, emri i vërtetë i të cilit është Rigels Rajku, konfiguronte në sistemin e sigurisë Schengen, pas një kallëzimi ndërkombëtar.

Në fillim nuk ishte e qartë nëse arrestimi kishte lidhje me incidentin e vitit të kaluar në Kosovë, ku Noizy u përfshi në një përplasje fizike me TikTok-erin Muhamet Iseni, i njohur si Medi, në një klub nate në Pejë.

Në atë ngjarje ishte përfshirë edhe Stresi, i cili dyshohej se kishte ftuar Medin në klub me qëllimin për ta përballur me Noizy-n.

Pas arrestimit të Noizy-t në Zvicër, Stresi reagoi publikisht, duke postuar fotot e Medit të dhunuar nga incidenti i kaluar dhe duke komentuar se ai vetë nuk kishte udhëtuar drejt Zvicrës që nga ajo kohë, pasi e dinte që Medi – si shtetas zviceran – kishte mundësi të bënte një kallëzim edhe atje.

Reagimi i Stresit u pasua menjëherë nga një përgjigje e Medit. Ai publikoi një screenshot të postimit të tij dhe shkroi “Zoti është i madh, vonon, po nuk harron.”

Sipas tij, Noizy dhe Stresi bashkëpunuan pas shpine në natën e incidentit, duke u shprehur “Akoma ndiheni krenarë për këtë gjë?”. Më tej, Medi theksoi se fotot e dhunës, të cilat ishin postuar e më pas fshirë nga rrjetet sociale prej Stresit, ishin në zotërim vetëm të autoriteteve. Sipas tij, fakti që Stresi i fshiu ato më vonë, dëshmon se ai dhe Noizy janë në të vërtetë “personat e pabesë që bëjnë krime të organizuara” dhe jo ai.

Nga ana tjetër, Noizy nuk kishte dijeni për ekzistencën e një kallëzimi penal në Zvicër, që kishte lidhje me ngjarjen me Medi Isenin në gusht të vitit të kaluar në Pejë të Kosovës.