Ehat Miftaraj nga Instituti i Kosovës për Drejtësi, ka thënë se letra me komente e presidentes Vjosa Osmani drejtuar kushtetueses është deklaratë e fuqishme politike, por me argumentim të dobët kushtetues dhe juridik.

Miftaraj ka thënë se politikisht do të ishte korrekte nëse një letër e tillë do t’iu drejtohej përfaqësive diplomatike për të mbrojtur qëndrimin e saj për procesin e konstituimit të Kuvendit.

“Sidoqoftë, Gjykata Kushtetuese nuk mund të bazoj aktgjykimin në deklarata politike dhe udhëzime pa ndonjë vlerë apo argument kushtetues dhe juridik. Është e pazakontë që në takime me ambasadore të mbajë qëndrim neutral kurse në konferenca për medie qëndrim tjetër”, ka shkruar Miftaraj në “Facebook”.