Ministri i Mbrojtjes, Armend Mehaj, ka postuar një fotografi në llogarinë e vet në “Facebook” me vëllanë e heroit Ilir Konushevci, Saimirin.

Mehaj ka theksuar se Saimir Konushevci kishte vazhduar rrugën e ndërprerë pabesisht të vëllait të tij hero, në shtrirjen, organizimin, furnizimin dhe operacionalitetin e UÇK-së në Llap dhe anekënd Kosovës.

“Saimiri është shumë modest dhe kjo e bënë të veçantë respektin ndaj këtij burri që bashkë me vëllain e tij, Ilirin dhe shokë të tjerë të idealit dhanë gjithçka për Lirinë që po e gëzojmë”, ka shkruar ministri Mehaj.

Postimi i plotë i ministrit Mehaj:

Në radhët e para të UÇK-së, përpos gjeneral Ilir Konushevcit, ishte edhe vëllai i tij, Saimir Konushevci, i cili vazhdoi rrugën e ndërprerë pabesisht të vllait të tij Hero, në shtrirjen, organizimin, furnizimin dhe operacionalitetin e UÇK-së në Llap dhe anekënd Kosovës.
Saimiri është shumë modest dhe kjo e bënë të veçantë respektin ndaj këtij burri që bashkë me vllain e tij, Ilirin dhe shokë të tjerë të idealit dhanë gjithçka për Lirinë që po e gëzojmë.
E lavdishme gjithmonë jeta dhe vepra titanike e Heroit të Kombit, Gjeneral Ilir Konushevci dhe nderim e respekt i thellë për Saimirin dhe gjithë bashkëluftëtarët e tij.