Mitrovica me homazhe nderon dëshmorët e kombit​

06 qershor 15:56

Nën përkujdesjen e kryetarit të komunës, Agim Bahtiri, dhe në bashkëpunim me Shoqatat e Dalura nga Lufta e UÇK-së, sot janë nderuar me homazhe dëshmorët e kombit në varrezat në Shipol, me rastin e 6 Qershorit- Ditës së Dëshmorëve të Komunës së Mitrovicës.

Kryetari i Komunës, Agim Bahtiri, i shoqëruar nga nënkryetari Faruk Mujka, drejtorët e drejtorive komunale, si dhe veteranë dhe invalidë të Luftës së Ushtrisë Çlirimtare të Kosovës pasi kanë vendosur buqetën me lule të freskëta, kanë nderuar të gjithë dëshmorët dhe familjarët e tyre që gjendeshin pranë varrezave.

Me këtë rast kryetari Bahtiri vlerësoi lartë kontributin e jashtëzakonshëm të të gjithë dëshmorëve nga Mitrovica, të rënë në luftën e fundit për lirinë dhe pavarësinë e vendit.

Po ashtu, ai theksoi se dëshmorët e Kombit janë lavdia dhe krenaria e popullit, andaj ata duhet të nderohen e respektohen nga të gjithë.

Lajme të sponsorizuara

Të fundit
Ministri i Shëndetësisë, Armend Zemaj, ka vizituar sot Komunën e…