Kryetari i degës së PDK-së në Zvicër, Ragip Xhaka, ka ftuar mërgatën që t’i bashkëngjiten protestës në mbështetje të drejtuesve të UÇK-së, të cilët po mbahen padrejtësisht në Hagë. Xhaka në thirrjen e tij ka thënë se “Bijtë më të mirë të këtij kombi, luftëtarët e lirisë, po përballen me një padrejtësi të rëndë në Hagë – të ndjekur dhe të akuzuar, vetëm pse e mbrojtën atdheun!”

Thirrja për pjesëmarrje në protestë e Ragip Xhakës:

Të dashur bashkatdhetarë,

Të nderuar qytetarë të Kosovës,

Po jetojmë ditë të rënda për drejtësinë dhe për historinë tonë kombëtare.

Bijtë më të mirë të këtij kombi, luftëtarët e lirisë, po përballen me një padrejtësi të rëndë në Hagë – të ndjekur dhe të akuzuar, vetëm pse e mbrojtën atdheun!

Në vend që të nderohen, po gjykohen.

Në vend që të kujtohen me dinjitet, po shtrembërohet historia e tyre.

🗓 E enjte, 07 Gusht 2025

🕔 Ora 17:00

📍 Sheshi “Skënderbeu”, Prishtinë

📌 Organizuar nga Organizatat e Dala nga Lufta e UÇK-së

Kjo protestë nuk është vetëm për ata që sot padrejtësisht po mbahen në burg, por për të vërtetën, për nderin e luftës sonë çlirimtare, për dinjitetin e gjithë shqiptarëve!

🗣 Ftojmë gjithë mërgatën shqiptare që të mobilizohet dhe t’i bashkohet protestës,

🗣 Thërrasim të gjithë qytetarët e Kosovës të jenë pjesë e kësaj thirrjeje për drejtësi!

Liria u fitua me gjak dhe nuk duhet lejuar të njolloset me padrejtësi!