Dy vite pas ndarjes nga Paris Saint‑Germain, Neymar, i cili në janar u rikthye tek Santos, mund të rikthehet në futbollin evropian. Sipas gazetës turke Fanatik, Fenerbahçe e ka vendosur si objektiv numër një të shndërrojë brazilianin në yllin e skuadrës së José Mourinho, duke i ofruar një kontratë 1-vjeçare mjaft të pasur, me opsion për sezonin tjetër.

Mësohet se Neymar e konsideron mundësinë serioze: ai dëshiron të rrisë shanset e tij për t’u përzgjedhur në përfaqësuesen e Brazilit në Botërorin e 2026. Kontrata aktuale me Santos, që skadon në fund të qershorit, përfshin një klauzolë që i lejon të largohet në mënyrë të lirë drejt ofertave nga Evropa.

Vetë Neymar ka komentuar kohët e fundit mbi këtë situatë: “Sa janë shanset që të ‘qëndroj’? Nga 0 deri në 10, do t’i jepja 7. Historia ime me Santos nuk do të marrë kurrë fund”.