Multimilionerët e SHBA-së “nuk paguajnë pothuajse asnjë taksë mbi të ardhurat”

09 qershor 23:15

Një agjenci lajmesh pretendon se ka zbuluar se miliarderët në SHBA paguajnë taksa të ulëta për të ardhurat e tyre.

ProPublica në një nga shkrimet e saj thotë se ka parë sa taksa paguajnë miliarderët, përfshirë Jeff Bezo, Elon Musk dhe Warren Buffett.

Uebfaqja pretendon se Bezos i Amazon nuk ka paguar asnjë taksë në 2007 dhe 2011, ndërsa Musk i Tesla nuk ka paguar asgjë në 2018.

Një zëdhënëse e Shtëpisë së Bardhë e quajti rrjedhjen “e paligjshme”, dhe FBI dhe autoritetet tatimore po e hetojnë çështjen.

ProPublica tha se po analizonte atë që e quajti “një grup të madh të dhënash të Shërbimit të Brendshëm të të Ardhurave” mbi taksat e miliarderëve dhe do të lëshojë detaje të mëtejshme gjatë javëve të ardhshme.

Ndërsa ende nuk është konfirmuar vërtetësia e të dhënave të publikuara në ProPublica, këto detaje dalin pak kohë pas një debati në rritje rreth shumës së taksës që paguajnë të pasurit dhe pabarazisë me shtresat e tjera.

ProPublica shkruante se 25 amerikanët më të pasur paguajnë më pak taksë – një mesatare prej 15.8% të të ardhurave bruto – sesa punëtorët më të zakonshëm amerikanë.

Jesse Eisinger, reporter dhe redaktor i vjetër në ProPublica, tha: “Ne ishim shumë të habitur që mund të ulej [taksën] në zero nëse do të ishe një multi-miliarder. Aktualisht duke paguar zero taksë me të vërtetë na hidhëroi, pasi këta njerëz po e anashkalojnë sistemin në një mënyrë krejtësisht ligjore.”

Ata kanë aftësi të jashtëzakonshme për të ulur taksat, për të marrë kredi dhe për të shfrytëzuar boshllëqet e sistemit”, tha ai.

Pra, ndërsa vlera e pasurisë së tyre rritet jashtëzakonisht shumë përmes aksioneve të tyre, kjo nuk regjistrohet si e ardhur.

Por la edhe më shumë se kaq, tha ai: Ata gjithashtu marrin zbritje të taksave, pasi shpesh marrin kredi për stilin e tyre të jetesës.

Ai tha se miliarderët amerikanë blejnë një pasuri, e ndërtojnë atë, ose e trashëgojnë dhe pastaj marrin kredi.

Për shkak se ata nuk realizojnë ndonjë fitim ose shesin ndonjë gjendje, ata nuk po marrin asnjë të ardhur, e cila mund të tatohet.

Ata më pas marrin hua nga një bankë me një normë interesi relativisht të ulët, jetojnë jashtë kësaj dhe mund të përdorin shpenzimet e interesit si zbritje të të ardhurave të tyre,” tha ai. MCNtv

Lajme të sponsorizuara

Të fundit
Salvadori është vendi i parë në botë, që vendos të…