Kryetari i Lidhjes Demokratike të Kosovës, Isa Mustafa, ka refuzuar të komentojë rezultatin e ish-nënkryetares së kësaj partie, Vjosa Osmani, e cila në zgjedhjet e 14 shkurtit në listën e LV-së ka marr mbi 300 mijë vota.

Pas një takimi me kryetarë të degëve të partisë, Mustafa ka thënë se nuk i komenton fitoret individuale.

“Nuk komentoj fitoret individuale. Është çështje e qytetarëve të cilët kanë votuar dhe e respektoj votën për çdo kënd, jo vetëm për Vjosën. I pranojmë rezultatet”, ka thënë ai.