Instituti Kombëtar i Shëndetësisë Publike të Kosovës ka njoftuar se në 24 orët e fundit janë shëruar 222 pacientë të infektuar me koronavirus.

Në njoftimin për medie, instituti ka treguar se deri me tani numri i përgjithshëm i të shëruarve është 50 953 raste. “Gjatë 24 orëve të fundit, janë shëruar 222 pacientë derisa numri i përgjithshëm i të shëruarve deri më sot është gjithsej 50.953 raste, kurse numri i rasteve aktive është 5.679”, ka njoftuar instituti.

IKShPK-ja ka njoftuar se gjatë 24 orëve të fundit 10 persona kanë vdekur nga Covid-19 dhe janë shënuar 311 raste të reja të infektimit.