Lideri i AAK-së, Ramush Haradinaj e ka quajtur “farsë” propozimin e Albin Kurtit për “qeveri Konjufca 1”, kur ka nominuar Glauk Konjufcën si mandatar për qeveri të re.

Haradinaj i ka quar porosi presidentes së Kosovës, Vjosa Osmanit, se për të mandatuar mandatar të ri, duhet të jetë dëshmia se janë 61 vota.

“Afati kushtetues për votimin e qeverisë përfundon nesër dhe presidentja e vendit nuk ka mandat ta mandatojë askënd për krijimin e qeverisë, pa dëshminë se kandidati i nominuar e ka shumicën e nevojshme. Shumica e nevojshme dëshmohet vetëm me nënshkrime të deponuara të deputetëve. Në çdo situatë tjetër presidentja bën shkelje të rëndë kushtetuese. Kandidatura e dytë nga LV-ja për qeveri është veç përpjekje për të vazhduar kapjen e institucioneve të shtetit, në kundërshtim me krejt normat kushtetuese e politike. Kjo farsë duhet të marrë fund menjëherë dhe vendi të shkojë në zgjedhje të jashtëzakonshme”, ka shkruar Haradinaj në “Facebook”.