Mbi Tel Aviv këtë mëngjes, u regjistrua për herë të parë momenti kur dy raketa interceptuese izraelite nga sistemi Iron Dome shkatërruan një raketë balistike iraniane.

Kjo është hera e parë që Dome është dokumentuar për të shkatërruar raketa balistike, dhe jo vetëm raketa me rreze të shkurtër veprimi.

Megjithatë, efektiviteti i këtij sistemi mbrojtës është në rënie.

Sipas një zyrtari të lartë të inteligjencës izraelite, në 24 orët e fundit, Iron Dome interceptoi vetëm 65% të raketave të lëshuara nga Irani, ndërsa një ditë më parë shkalla e interceptimit ishte rreth 90%.

“Irani ende zotëron raketa shumë të përparuara – dhe i përdor ato në mënyrë aktive”, pohon një ish-zyrtar i lartë i inteligjencës izraelite.

Një burim pranë strukturave ushtarake paralajmëron se raketat e reja iraniane e kanë shkurtuar ndjeshëm kohën e reagimit të mbrojtjes ajrore izraelite, përcjell Telegrafi.

“Deri dje, kishim 10-11 minuta nga paralajmërimi deri në goditjen e raketës. Këtë mëngjes u reduktua në vetëm 6-7 minuta. Kjo tregon se këto raketa janë shumë më të shpejta se ato të mëparshmet”, tha një nga zyrtarët.

Bëhet e ditur se përveç shpejtësisë, raketat iraniane tani posedojnë sisteme të sofistikuara navigimi, të cilat i mundësojnë atyre të godasin objektivat me saktësi.

Pavarësisht humbjeve të mëdha në udhëheqjen ushtarake të Iranit gjatë një sulmi të papritur izraelit javën e kaluar, besohet se Irani ende ka furnizime të mjaftueshme për të vazhduar sulmin.

Over Tel Aviv this morning, a pair of Israeli Iron Dome Tamir interceptors smash into an incoming Iranian ballistic missile, knocking it down. pic.twitter.com/Bc4f3R1gbR

— OSINTtechnical (@Osinttechnical) June 20, 2025

Çfarë është Iron Dome apo Kupola e Hekurt?

Kupola e Hekurt është një sistem mbrojtës ajror izraelito-amerikan që ka qenë në funksion që nga viti 2011.

Sistemi përbëhet nga njësi radari dhe lëshues dhe ka për qëllim të kapë raketa me rreze të shkurtër veprimi.

Sipas të dhënave zyrtare, efektiviteti i tij në kapjen e kërcënimeve është midis 90 dhe 97%.

Nëse përcaktohet se raketa nuk do të godasë një zonë të populluar ose strategjikisht të rëndësishme, sistemi nuk e kap atë.

Kulla aktualisht ka dhjetë bateri, secila prej të cilave përmban tre deri në katër lëshues, secili lëshues mban 20 raketa Tamir.

Çmimi i një rakete Tamir varion nga 40 deri në 100 mijë dollarë, ndërsa çmimi i një baterie është rreth 100 milionë dollarë.

SHBA deri më tani ka investuar më shumë se 2.9 miliardë dollarë në zhvillimin e sistemit.