Organizata e OVL-së së UÇK-së e ka dënuar fuqishëm aktin që ka ndodhur në komunën e Bujanocit ku një person i maskuar ka vandalizuar një poster të Ridvan Qazimit, i njohur si Komandant Lleshi.

Sipas OVL-së së UÇK-së, ky akt përbën jo vetëm skandal të rëndë por edhe sulm të qëllimshëm ndaj kujtesës kombëtare dhe sakrificës për liri.

OVL e UÇK-së kërkojnë nga institucionet ndërkombëtare që të ushtrojnë presion mbi Serbinë që t’i zbulojnë autorët e këtij akti të ulët dhe t’i vë ata para drejtësisë.

“Organizata e Veteranëve të Luftës së Ushtrisë Çlirimtare të Kosovës e dënon fuqishëm aktin e papranueshëm që ka ndodhur në komunën e Bujanocit, i cili përbën jo vetëm një skandal të rëndë, por edhe një sulm të qëllimshëm ndaj kujtesës sonë kombëtare dhe sakrificës për liri.Ky veprim është tregues i qartë se ende ka struktura që nuk e pranojnë realitetin e lirisë dhe që ndihen të shqetësuara nga lavdia e Dëshmorëve tanë, të cilët i dhanë kuptim të plotë qëndresës dhe dinjitetit shqiptar.Asnjë akt i tillë nuk mund të zbehë respektin dhe nderimin që kemi për ata që ranë për lirinë tonë. Gjaku i tyre është i shenjtë dhe do të përkujtohet përjetësisht” thuhet në reagim të OVL-UÇK-së.

Reagimi i plotë:

Reagim i OVL UÇK-së ndaj skandalit në Bujanoc.
Organizata e Veteranëve të Luftës së Ushtrisë Çlirimtare të Kosovës e dënon fuqishëm aktin e papranueshëm që ka ndodhur në komunën e Bujanocit, i cili përbën jo vetëm një skandal të rëndë, por edhe një sulm të qëllimshëm ndaj kujtesës sonë kombëtare dhe sakrificës për liri.

Ky veprim është tregues i qartë se ende ka struktura që nuk e pranojnë realitetin e lirisë dhe që ndihen të shqetësuara nga lavdia e Dëshmorëve tanë, të cilët i dhanë kuptim të plotë qëndresës dhe dinjitetit shqiptar.

Asnjë akt i tillë nuk mund të zbehë respektin dhe nderimin që kemi për ata që ranë për lirinë tonë.

Gjaku i tyre është i shenjtë dhe do të përkujtohet përjetësisht.

Në këtë drejtim, kërkojmë nga institucionet ndërkombëtare që të ushtrojnë presion mbi Serbinë që të zbulojë autorët e këtij akti të ulët dhe t’i vërë ata përpara drejtësisë. Heshtja në këso raste nxit përsëritjen e veprimeve të tilla dhe dëmton përpjekjet për paqe dhe bashkëjetesë në rajon.

Lavdi Komandant Lleshit!

Lavdi të gjithë Dëshmorëve të Kombit!