Trajneri i Inter Miamit, Javier Mascherano, nuk e ka pritur aspak mirë vendimin e MLS-së për të pezulluar Lionel Messin dhe Jordi Albën nga ndeshja kundër Cincinnati-t, për shkak se nuk morën pjesë në All-Star Game.

“Kam një mendim për atë që ndodhi, por nuk jam këtu për të kritikuar MLS-në ose për të ndryshuar rregullin. Ne nuk jemi përshtatur me atë që ndodhi. Përveç faktit që nuk pajtohem me vendimin, nuk pajtohem fare me të, por, epo… ne u përshtatëm”, tha Mascherano.

Mascherano shtoi: “Tani kam një pyetje: çfarë do të kishte ndodhur nëse ndeshja e sotme (sonte, red.) do të kishte qenë një ndeshje jashtë fushe? A do ta kishin penguar Leon të luante edhe ai? Sepse për të mbushur stadiumet dhe për të fituar para, askush nuk ankohet, apo jo?”.